Қазақстан халқы Ассамблеясы Петр Врублевскийдің мәлімдемесін қатаң айыптады

Қазақстан халқы Ассамблеясының мүшелері Украинаның Қазақстандағы елшісі Петр Врублевскийдің сұхбатта айтқан сөздерін сынға алды. Мәлімдемесін қатаң айыптап, өшпенділікті қоздыратын кез келген пікір, этностық жеккөрушілік пен оның қандай болмасын көріністерін насихаттау біз үшін жат ұғым деді. Сондай-ақ барлық қазақстандықтарды дұшпандық пен зұлымдықты насихаттайтын арандатуларға ермей, ұрпақтың бүгіні мен болашағы үшін елдегі бейбітшілік пен халық бірлігін сақтауға және нығайтуға шақырды.