АҚШ Украина мен одақтастарына 2 млрд 800 миллион доллар көмек бөлмек

Мұндай шешімді елдің қорғаныс министрі Ллойд Остин АҚШ-тың Германиядағы әуе базасында жариялады. Қаражат Украина мен оған көршілес 18 мемлекеттің қауіпсіздігін арттыруға инвестиция түрінде бөлінеді. Соның ішінде Киевке 675 млн долларға қару-жарақ беріледі. Дәлірек айтсақ, Украина армиясының арсеналы оқ-дәрі, хамви жүк фургондары мен танкіге қарсы жүйелермен толығады. Украинада қарулы қақтығыс басталғалы бері мыңдаған адам қаза тауып, көптеген қала қирады. Соңғы апталарда Запорожье атом электр станциясындағы жағдайға қатысты алаңдаушылық артты.