XX жазғы Азия ойындарының медальдары таныстырылды

Жапонияда өтетін XX жазғы Азия ойындарының ұйымдастырушылары жеңімпаздар мен жүлдегерлерге табысталатын медальдардың дизайнын ресми түрде таныстырды.

Аичи–Нагоя-2026 байрақты бәсекесінде тағылатын алтын, күміс, қола жүлделердің дизайны жарыстың негізгі құндылықтарын, Азия халықтарының бірлігі мен мәдени ерекшеліктерін бейнелейді. Дүбірлі додаға Азияның ондаған елінен мыңдаған спортшы қатысады. Қазақстан құрамасы да құрлықтық бәсекеде ел намысын қорғап, жаңа үлгідегі медальдарды жеңіп алуға таласады.