Әлемдегі шиеленістерді шешетін алаң: Ерлан Сайыров Әлемдік діндер съезі туралы

Елімізде Әлемдік және дәстүрлі діндер көшбасшыларының VII съезіне дайындық қыза түсті. Бұл біздің елде өткелі тұрған жетінші басқосу. Жиынға 50-ге жуық мемлекеттен делегация келеді. Сарапшылардың пікірінше, дәстүрлі дін жетекшілерінің қызығушылығы жоғары. Себебі ортақ талқылайтын тақырып аз емес.

Ерлан Сайыров, ҚР Парламент Мәжілісінің депутаты:

Дүние жүзінде геосаяси, геоэкономикалық, рухани, діни конфликтердің потенциалы өсіп келе жатыр. Міне, сондықтан бүгінгі таңда сол шиеленістерге қарсы белгілі бір екпе керек. Қазақстандағы осындай іс-шаралар дүние жүзіндегі шиеленіс потенциалын кеміту үшін, менің ойымша, өте қажет.