Конституциялық Кеңес 7 жылдық президенттік мерзімі туралы шешім қабылдады

Конституциялық Кеңес Мәжіліс депутаттары ұсынған «Қазақстан Республикасының Конституциясына өзгерістер мен толықтыру енгізу туралы» өтінішін қарады.

Ұсыныс Конституцияда Республика Президентінің бір мәрте жеті жылдық өкілеттік мерзімін белгілеуді, сондай-ақ ел астанасының атауын өзгертуге байланысты Негізгі Заңның 2-бабына түзетулер енгізуді көздейді. Конституциялық Кеңес «Қазақстан Республикасының Конституциясына өзгерістер мен толықтыру енгізу туралы» Заң жобасы Конституцияда белгіленген талаптарға сәйкес деп санайды.