Ұлттық қауіпсіздік комитеті: Өткізу пунктері штаттық режимде жұмыс істеп тұр

Ұлттық қауіпсіздік комитеті қазақстандық өткізу пунктері штаттық режимде жұмыс істеп тұрғанын хабарлады. Мемлекеттік шекара арқылы адамдарды, көлік құралдарын, жүктер мен тауарларды өткізу тиісті заңнамалар мен халықаралық келісімдерге сәйкес жүзеге асырылып жатыр. Ресейлік тараптан өткізу пунктерінің жабылуы туралы ресми ақпарат түскен жоқ. Әлеуметтік желілер мен мессенджерлерде қазақ-ресей шекарасындағы пунктерің жабылуына қатысты мәлімет шындыққа жанаспайды.