Сенатор Андрей Лукин Мемлекеттік аудит комитетінің жұмысын сынға алды

Мемлекеттік аудит жұмысы заңбұзушылықтарды анықтаудан әрі аспай отыр. Тексерулері - тиімсіз әрі нәтижесіз. Сенатор Андрей Лукин Ішкі мемлекеттік аудит комитетінің жұмысын сынға алды. Оның айтуынша, аудиторлар жылдан-жылға қайталанатын заң бұзушылықтарды ғана тіркейді. Мәселен, жоспарланған 82 шараның 34 пайыздан астамы жылдық тізімге негізсіз енгізілген. Салдарынан бірқатар тексерудің нәтижесі төмен. Сонымен қатар сенатор, камералық бақылау жүргізу мәселесін де көтерді. Аумақтық департаменттер бақылаудың бұл түрін жүргізбеген. Осыған байланысты депутат аудиторлардың жұмысын жақсарту үшін бірқатар ұсыныс айтып, депутаттық сауал жолдады.

Андрей Лукин, ҚР Парламенті Сенатының депутаты:
Мемлекеттік аудит объектілерін іріктеу тәртібін қайта қарау қажет. Сонымен қатар, талаптарды қатаң сақтауды, камералық бақылау жүргізу кезінде мемлекеттік сатып алу туралы заңнама ережелерін біркелкі қолданудың әдіснамалық негізін әзірлеуді ұсынамын.

Әсима Нұрбайқызы