Су қоймалары мен автожолдарды жөндеу жұмыстары талқыланды

Шығыс Қазақстандағы су қоймалары мен автожолдарды жөндеу жұмыстары үкіметтің бақылауында. Премьер-министр Әлихан Смайылов осы мәселелер бойынша арнайы жиын өткізіп, жауаптылардың есептерін тыңдады. Облыстағы Қандысу және Үйдене су қоймаларын, сондай-ақ өңірдің суармалы жерлеріндегі шаруашылықаралық каналдарды күрделі жөндеу мәселелері талқыланды.

Үкімет басшысы мүдделі мемлекеттік органдармен бірлесіп, Марқакөл және Катонқарағай аудандарын қалпына келтіру жұмыстарын қамтамасыз етуді тапсырды. Тапсырмалардың барлығын уақтылы әрі сапалы орындау үшін ведомствоаралық өзара іс-қимылды күшейту қажет деді Әлихан Смайылов.

Оңғар Алпысбай