Астанада қызылша жұқтырған балалардың 93 пайызы вакцина салдырмаған

Астанада да жағдай мәз емес. Бас мемлекеттік санитарлық дәрігердің айтуынша, қызылша жұқтырған балалар мен жасөспірімдердің 93 пайызы түрлі себептермен вакцина салдырмаған. Сархат Бейсенованың айтуынша, екпе салдырмағандардың 55 пайызы өз еркімен бас тартқандар, 25 пайызының себебі бар, ал 18 пайызы екпе алу жасына жетпеген. Бүгінгі таңда елорда бойынша қызылша жұқтырудың 731 жағдайы тіркелді. Оның 73 пайызы 14 жасқа дейінгі балалар.  

Тәуірбек Бозекен