Оралда жалған полицей тұрғыннан ақша бопсалаған

Оралда ер адам өзін полиция қызметкерімін деп таныстырып, ақша бопсалаған. Полиция оның бір тұрғыннан 100 мың теңгені алдап алып кеткенін анықтады. Күдіктінің үйі мен көлігінен «страйкбол» ойынына арналған автомат, оқ-дәрі қорабы, екі пневматикалық винтовка мен полиция қызметкерінің киімі, көз ойығы бар қара бетперде табылып, тәркіленді. Тергеу басталды. 

Ардақ Мұратқызы