Басты Жаңалықтар Қайырымдылық қоры жалғызбасты әкенің бір жылдық пәтер ақысын төлеп берді

Қайырымдылық қоры жалғызбасты әкенің бір жылдық пәтер ақысын төлеп берді

09.07.2024 20:02

Ұлттық арна көрсеткен 2 топтағы мүгедектігі бар жалғызбасты әкеге халық жан-жақты көмектесіп жатыр. Бүгін «Дәулеттен қоры» көпшіліктен жиналған қаражатты астаналық Асылан Құлмағамбетовке табыстады.

Тағдыр тәлкегіне мойымаған қайсар әке денсаулығының нашарлығына қарамастан бірнеше жылдан бері 3 баланы жалғыз өзі тәрбиелеп келеді. Жалға көлік алып, нәпақасын тауып жүр. Бұл отбасының қиын жағдайын ескерген қайырымдылық қоры көмек қолын созды. 1 млн 400 мың теңге табыстап, 1 жылдық пәтер ақысын өтеп беретін болды. Сондай-ақ алдағы уақытта үнемі азық-түлікпен қамтамасыз етіп, балалардың оқу құрал-жабдығын алып береді. Қыс түскенде отын-көмірін де мойнына алмақ.

Асылан Құлмағамбетов, Астана тұрғыны:

«Дәулеттен қоры» бұлай жинап көмек беріп жатқанына көп рахмет. Үлкен көмек болды. Жағдайымыз оңалғанда менде ел-жұртқа барынша көмегімді беремін. Көп рахмет.

Еске салсақ, әкелер күні мерекесі қарсаңында, Ұлттық арнаның ақпарат қызметі бұл отбасы жайында арнайы материал әзірлеген еді. Сюжет әлеуметтік желіде кеңінен таралып, көрермендеріміз шама-шарқынша көмек қолдарын созып жатыр.

Динара Жарқынбек

Бөлісу