«Ислам мемлекеті» содырларымен қақтығыс кезінде 7 полицей жараланды

Түркияда «Ислам мемлекеті» жиһадшылар тобының содырларымен қақтығыс кезінде жеті полицей жараланды. TRT Haber телеарнасының хабарлауынша, оқиға елдің солтүстік-батысындағы Ялова қаласында болған. Тәртіп сақшылары қарулы ұйым мүшелері жасырынған үйге рейд жүргізгенде қарсылыққа тап болды. Атыстан зардап шеккен офицерлердің жағдайлары дәрігерлердің бақылауында.

Өткен аптада Түркияда осы топтың 115 мүшесі тұтқындалды. Олар Рождество және Жаңа жыл мерекелері кезінде өзге дін өкілдерін өлтіруді жоспарлаған.

Тағы бір айта кететін жайт, осыдан он жылға жуық уақыт бұрын «Даиш» Түркияда азаматтық нысандарға қарсы талай рет шабуыл ұйымдастырып, ондаған адамды мерт қылғаны белгілі.