Қазақстан оқушылары Балқан олимпиадасында топ жарды

Қазақстандық оқушылар Балқан математикалық олимпиадасында үздіктер қатарынан көрінді. 3-8 мамыр күндері Грекияның Салоники қаласында өткен Балқан олимпиадасында ұлттық құрама 6 медаль жеңіп алып, 24 елдің ішінде командалық есепте 6-орынға тұрақтады. Албания, Болгария, Грекия, Румыния, Сербия, Түркия, Солтүстік Македония және басқа да мықты математикалық мектептері бар 24 мемлекет қатысқан беделді додада қазақстандық жас математиктер 1 алтын, 2 күміс және 3 қола медаль иеленді.