Ливан: Соғыстан босқындар орала бастады

АҚШ пен Иран соғысты тоқтатуға келіскеннен кейін Ливанның оңтүстігінен қашқан мыңдаған босқын үйлеріне орала бастады. Айта кетсек, Тегеранның талабы бойынша атысты доғару туралы мәмілеге осы араб республикасы да қосылды.

Ақпанда АҚШ пен Израиль Ислам Республикасына соғыс ашқанда ливандық «Хезболла» Иранды жақтап, еврей мемлекетінің солтүстігіне зымыран жаудыруға кірісті. Содан кейін Израиль «хезболлалықтарға» қарсы әскери операция бастап, 1 млн 200 мыңдай ливандық үйлерін тастап кетті. Және де Израильдің шабуылдарынан Ливанда бүгінге дейін 3800-ге жуық адам қаза тапқан.