Францияда аптап ыстықтан фермаларда жүздеген мың тауық қырылды

Францияның батысында аптап ыстықтан фермаларда жүздеген мың құс қырылды. Шаруашылық қожайындарының сөзінше, олар ауа жетпегендіктен тұншығып қалған. Өлі тауықтар әлі фермаларда жатыр. Себебі оларды сыртқа шығаратын арнайы мамандар тапшы.
Айта кетсек, қазір Еуропаның Франция, Ұлыбритания, Испания сияқты елдерінде сынап бағанасы 40 градустан асып, ондаған миллион адам зардап шегіп отыр. Әсіресе Франциядағы жағдай қиын. Мұнда соңғы аптаның өзінде 48 адам суға кетіп, 68 мыңдай үй жарықсыз қалған.