Алаяқтар 70 адамның атына несиені заңсыз рәсімдеген

Батыс Қазақстан облысында 70 азаматтың атына заңсыз несие рәсімделген. Белгісіз тұлғалар алаяқтық әрекетін микроқаржы ұйымдары арқылы жүзеге асырған. Олар қаражатты дропперлердің шоттары арқылы басқа біреуге аударып отырған. Ал жәбірленушілер онлайн-несие алуға биометриялық деректер ұсынбаған. Алайда оның орнына үшінші тұлғаның мәліметтері қолданылған. Облыстық прокуратура қызметкерлері қазіргі уақытта сотқа дейінгі тергеу жүріп жатқанын мәлімдеді.