Басты Жаңалықтар ӘЧ: Футболға шолу

ӘЧ: Футболға шолу

25.06.2026 13:27

Футболдан әлем чемпионатында Швейцария Канаданы жеңіп, плей-офф кезеңіне шықты. Ойын «Би-Си Плэйс» стадионында өтті. Есеп 46-минутта ашылды. Швейцария сапынан Рубен Варгас мергендік танытты. 57-минутта Йохан Манзамби швейцариялықтардың басымдығын еселей түсті. Канадалықтар 76-минутта Промис Дэвид соққан голдың арқасында есеп айырмасын қысқартқанымен, қарсыласты жеңе алмады.

Ал қатар өткен матчта Бразиялия Шотландияны 3:0 есебімен талқандады. Винисиус дубль жасап, 7ші минутта және бірінші таймға қосылған уақытта гол соғып дубль авторы атанды. Ойынның 60-минутында Матеус Куньяның қақпаға бағыттаған добы мүлт кетпеді. Осылайша Бразилия құрамасы С тобында 7 ұпай жинап, плей-офф кезеңіне жолдама алды.

В тобындағы тағы бір кездесу Босния және Герцоговина мен Қатар құрамалары арасында өтті. Боснялық Керим-Сэм Алайбегович 29-минутта қақпадан саңылау тауып, өз құрамасын алға шығарды. Оған елордалық «Астана» командасының жартылай қорғаушысы Иван Башич нәтижелі пас шығарып берді. Ал 34-минутта қатарлық Султан Аль-Браке өз қақпасына гол соғып алса, 42-минутта Хасан Аль-Хайдос есеп айырмасын қысқартты. Ойынның 81-минутында босниялық Эрмин Махмич мергендік танытты. Матч 3:1 есебімен аяқталды.

Гаити Өткен түнде болған Марокко Гаити құрамаларының арасындағы кездесу тартысы болғанымен екеуі де топтық кезеңнен шыға алмады. Алғашқы голды Гаити ойыншылары соққанымен көп ұзамай есеп теңесті. Қарсыластар алма-кезек өткір шабуылдар ұйымдастырғанымен ойын 4:2 есебімен аяқталды.

Автор

Оңғар Алпысбайұлы

Бөлісу