Мұнай бағасы арзандады

Біріккен Ұлттар Ұйымы Иран соғысы басталғалы Ормұз бұғазынан өте алмай тұрған 11 мың теңізшіні эвакуациялауды тоқтатты. Себебі стратегиялық су жолында бір танкер шабуылға ұшыраған. Айта кетсек, өткен аптада АҚШ пен Иран өзара түсіністік туралы меморандумға қол қойды. Содан кейін Ормұз жартылай ашылды. Дегенмен, Иран бұл бұғаздан өтетін кемелерден ақы алғысы келеді. Вашингтон болса, мұндай жоспарға қарсы. Дауға қарамастан Ормұздан өткен танкерлер бәрібір көбейіп келеді. Бұл жағдай мұнай бағасына оң әсер етті. Соңғы мәліметке қарағанда, энергетикалық шикізаттың Brent маркасының баррелі 2 пайызға жуық арзандап, 73 доллар 79 центке сатылып жатыр.