«Болашақ ойындары-2026»: 180 млн қаралым жиналды

«Болашақ ойындары» - әлем назарында. Тартысты бәсекенің тікелей трансляциясын бір аптада 180 миллионға жуық адам қарады.

Бүгін тартысты доданың оныншы күні. Цифрлық технология мен хореографияны ұштастырған сайыста Қазақстан намысын Гүлназ Аманғали есімді биші қорғады. Ол іріктеу кезеңінен сүрінбей өтіп, ширек финалға жолдама алды. Ал футболдан жартылай финалға өткен екі команда қарсыластарына есе жіберіп, жарыс жолынан шықты.  Еске салсақ, халықаралық турнир тоғызыншы тамызға дейін болады.

Ербол Мырзабосынов, ҚР Туризм және спорт министрі:

Жалпы әлемде бұл бағыт өте қызықты. 15-35 жас аралығындағы жастарымыз белсенді қатысады. Қаралымдар өте көп. Қаралымдар бүгінгі күні 185 миллионнан асты. Бүгінгі күні біздің мемлекет өзінің технологиялары дамыған мемлекет ретінде осындай халықаралық іс-шараны өткізе алатынын әлемге дәлелдеді.