Бүгін бірқатар өңірде ауа температурасы +44 градусқа дейін жетеді

Қазгидромет бүгінгі күн райына байланысты дауылды ескерту жариялады. Мамандар аптап ыстықта қауіпсіздік ережелерін қатаң сақтауға шақырады.

Шымкентте, Түркістан, Қызылорда облыстарында, Алматы облысының солтүстігінде, Жетісу облысының солтүстігі мен шығысында, Қарағанды облысының оңтүстігінде, Ұлытау және Абай облыстарында ауа температурасы +44 °C-қа дейін жетеді.

Сондай-ақ барлық аймақта төтенше өрт қауіпі бар. Бірқатар өңірде жаңбыр, найзағай, бұршақ, тіпті жел күшейіп, дауыл болуы мүмкін. Синоптиктердің болжамынша, найзағай кезінде желдің екпіні 20 м/с дейін жетеді.