Жапонияның Тиба префектурасында тасқыннан 4 адам қаза тапты

Жапонияның Тиба префектурасында рекордтық мөлшерде жауын жауып, елді мекендерде алапат тасқын басталды. Соңғы мәліметке қарағанда, төрт адам қаза тапқан. Сонымен қатар, мемлекет астанасы Токиомен шекаралас Тибада жолдар мен теміржолдар су астында қалып, электр жүйесі істен шығып, 25 мыңдай үй шаруашылығы жарықсыз отыр.

Құтқару операцияларына армия жауынгерлері де аттанды. Жергілікті үкіметтің мәліметінше, қайтыс болған төрт адамның біреуі суға батқан машинасынан шыға алмай қалған.

Нарита қаласының әуежайы болса, 7 мыңдай жолаушының сапарға аттана алмағанын хабарлады. Дегенмен, авиациялық порт өкілдерінің өзге бір дерегінше, бүгін ұшақтар кесте бойынша ұша бастайды.