«Әлімбет» өткізу бекетінің әлеуеті екі есеге артады

Мұнда әр бағыт бойынша төрт жолақ қарастырылған. Оның біреуі жүк көліктеріне арналған. Автоматтандыру жұмыстарының арқасында автокөліктерді өткізу уақыты да қысқарады. Яғни әр көлікке шамамен 4 минут жұмсалады. Жоба аясында әкімшілік ғимарат пен инспекциялық тексеру кешендері де салынып жатыр. Тереңдетілген бақылау ангары мен қызметтік иттерге арналған арнайы панажай да бар.Қазірге дейін құрылыстың 50 пайызы аяқталды. Қазавтожол ұлттық компаниясы өкілдерінің айтуынша, нысан толықтай жыл соңына дейін пайдалануға беріледі.