Астанада қайтарылған активтер есебінен жаңа мектеп салынып жатыр

Астанада қайтарылған активтер есебінен «Нұра» ауданында 1200 оқушыға арналған жаңа мектеп салынып жатыр. Мектеп құрылысына Арнаулы мемлекеттік қордан 7 млрд теңге бөлінген. Жобаны 2027 жылдың соңына дейін аяқтау жоспарланып отыр. Жаңа мектеп халық санының өсуіне байланысты туындаған орын тапшылығын азайтады. Нысан №84, №85, №89 және №97 мектептердегі жүктемені төмендетуге мүмкіндік береді. Жалпы қайтарылған активтер есебінен Үкімет 610 млрд теңгеден астам сомаға 500-ден астам әлеуметтік жобаны қаржыландыруды мақұлдаған. Оның ішінде білім беру саласында 64,4 млрд теңгеге 17 жоба жүзеге асырылады.