Астанада халықаралық мектеп ашылды

Астанада SABIS International School халықаралық мектебі ашылды. Жоба Президент Қасым-Жомарт Тоқаевтың Біріккен Араб Әмірліктеріне ресми сапары қорытындысында берген тапсырмасы аясында жүзеге асырылды. Бастамаға 30 млн доллар инвестиция тартылды. Мектеп 3400 оқушыға арналған, аумағы 9 гектар. Мұнда оқу ғимараттары, театр, спорт нысандары және балабақша бар. Оқу қазақ, орыс және ағылшын тілінде өтеді.

Қасымхан Сенғазыев, қалалық білім басқармасының басшысы:

Қалада 74 мектеп бар. Соның 15-де халықаралық бағдарлама бар. Өте жоғары білім нәтижесін көрсетіп жатыр. Биылдың өзінде біздің 16 мың түлектің 2 мыңға жуығы әлемдің университеттерге шақырту алып, соларға оқуға түсуде.