Ұлттық құрама 16 рекорд жаңартты

Ертең елімізде спорт күні атап өтіледі. Мереке қарсаңында Қазақстанның ауыр атлетикадан жасөспірімдер мен жастар құрамасы Ташкентте өткен Азия чемпионатын жоғары нәтижемен аяқтап, елге қуаныш сыйлады. Жалпы саны 59 медаль, оның ішінде 19 алтын жеңіп алып, 16 рекорд жаңартты. Оның 11-і Азия және 5-і әлем рекорды. Сондай-ақ ел спортшылары 17 жасқа дейінгі қыздар және 20 жасқа дейінгі жастар арасында жалпы командалық есепте бірінші орынға ие болды. Снежана Кашкарова үш Азия, үш әлем рекордын жаңартып, чемпионаттың үздік спортшысы атанса, Ксения Прозорова тағы екі әлем рекордын орнатты.