Израильдің шабуылынан қаза тапқан палестиналықтар 75 мыңға жуықтады

Газа секторында Израиль армиясының соңғы тәулікте жасаған шабуылдарынан 5 палестиналық қаза тапты. 18 адам жараланған. Мұны Газадағы Денсаулық сақтау министрлігі хабарлады. Бұл мәліметке сай, 2023 жылдан бері Израильдің шабуылдарынан оққа ұшқан палестиналықтардың саны 75 мыңға жуықтаған. Ал жараланғандар саны 175 мыңнан асты. Соққылардан қираған үйінділер астында әлі де мыңдаған адамның денесі болуы мүмкін.