Алтайдың Ресей жағында қазақ мәдениеті дәріптелді

Ресейдің Алтай өлкесінде қазақ мәдениетінің күндері өтті. Бағдарлама аясында қазақтың ұлттық өнері мен әдет-ғұрпы насихатталды. Іс-шара шетелде тұратын қазақтардың ана тілі мен мәдени мұрасын тануына мүмкіндік береді. Сонымен қатар ұлтаралық байланысты нығайтуда маңызы зор.  Жалпы, Алтай өлкесінде қазақ халқының мәдениетін дәріптеуге ерекше мән беріледі. Мұнда қазақтардың ұлттық-мәдени бірлестіктері жұмыс істейді. Олар тіл мен дәстүрді сақтауға, жас ұрпаққа ұлттық құндылықтарды танытуға үлес қосып келеді. Сонымен қатар қазақ тілін оқытуға баса мән беріледі.