Бали аралына да жанармай тапшылығы жетті

Индонезияның Бали аралында отын тапшы. Жанармай құю станцияларында ұзынсонар кезек тұр. Жергілікті үкіметтің мәлімдеуінше, үш күн бұрын басталған тапшылықтан көлік қатынасы қиындап, адамдар жұмысқа жете алмай жатыр. Көлік жүргізушілері сағаттап кезекке тұруға мәжбүр. Жергілікті билік нарыққа қосымша 26 мың литр жанармай шығарған. Бірақ бұл аралдағы энергетикалық дағдарысты шеше алар емес.