Бразилияда нөсер жауын жауып, туннельде кептеліс болды

Нөсер жауын Бразилияның Сан-Паулу қаласында да құйып, туннель іші әп-сәтте суға толды. Санаулы минутта 40 милиметр жауын жауған. Туннельде көлік кептелісі болып, адамдар арасында үрей туындады. Абырой болғанда, оқиға орнына құтқарушылар дер кезінде жетіп, суды сорғымен шығарған. Елдің кейбір бөлігінде жауын-шашын бірнеше күн бойы жауып тұр. Ауа райы мамандары өзен суының деңгейі көтеріліп, су тасқыны болуы мүмкін екенін ескертті.