Басты Жаңалықтар Денис Тен: Бұл медаль – менің елімнің жеңісі

Денис Тен: Бұл медаль – менің елімнің жеңісі

15.02.2014 10:00

Сочидегі Олимпиада ойындарының жетінші жарыс күні Қазақстан қоржынына көптен күткен алғашқы жүлде түсті. Еліміздің үкілеп қосқан үміті, мәнерлеп сырғанаушы Денис Тен жанкүйерлердің сенімін ақтады.

Қысқа бағдарламада тоғызыншы орыннан көрінген Денис Тен еркін бағдарламада еркін көсіліп, мұзайдында барлық элементтерді мүлтіксіз орындап шықты. Нәтижесінде 255,10 ұпайға иелік етіп, қос сайыс қорытындысы бойынша қола жүлдеге қол жеткізді.

Денис Тен, Сочи Олимпиадасының қола жүлдегері:

Олимпиада ойындарының қола жүлдегері атанғаныма әлі де сенер емеспін. Көп қиындықтарға төзіп, жарыс алдында жарақаттан айықтым. Бұл жетістік - еңбектің нәтижесі. Жеңісімді маған сенген бүкіл қазақстандықтарға арнаймын.

Фрэнк Кэролл, Денис Теннің бас бапкері:

Мен бақыттымын. Денис Тен дарынды мәнерлеп сырғанаушылардың бірі. Өте еңбекқор. Соның арқасында алға қойған мақсатымызға жеттік.

Бөлісу