«Тур де Франс» веложарысы өтуде

Франция жерінде байрақты бәсеке «Тур де Франс» велобәйгесінің екінші кезеңі аяқталды. Бұл кезең ел намысын қорғап жүрген спортшылар үшін сәтті аяқталды. Себебі, «Астана» командасының шабандозы италиялық Винченцо Нибали екінші кезеңнің жеңімпазы атанды.

201 шақырымға созылған жарыс жолында екінші орынды бельгиялық спортшы Грег Ван Авермет ие болды. Ал, үздік үштікті «Омега фарма» командасының өкілі поляк Михаил Квятковский түйіндеді.