Дидье Дрогба «Челсиге» оралды

Котдивуарлық футболшы Дидье Дрогба лондондық «Челси» сапына қайта оралды. Бұл туралы клубтың ресми сайтында жарияланған. Айта кетейік, 36 жастағы футболшы лондондық клубпен 1 жылдық келісім шарт жасасқан.

Естеріңізге салсақ, Дрогба ақсүйектер сапында Чемпиондар Лигасын және Англия кубогын 4 рет, сонымен қатар, Англияның 3 дүркін чемпионы атанған болатын. Дидье Дрогба осыған дейін түріктердің «Галатасарай» командасында ойнаған.