Латын Америкасында 48 миллиондай адам жарықсыз қалды

Аргентина түгелдей электр қуатынан ажыратылып, оның 90 пайызына осыдан бірер сағат бұрын ғана жарық қайта берілді. Сонымен қатар, көршілес Уругвай мен Парагвайдың да талай ауданында осындай жағдай қалыптасқан еді. Оларда да электр жүйесі қалпына келтіріліп жатыр.

Жарық өшкенде, аймақта пойыздар тоқтап, бағдаршамдар сөніп, ауыз су тапшылыққа айналды.

Аргентинаның «Эдесюр» энергетикалық компаниясы өкілдерінің мәлімдеуінше, жарықтың өшуіне электр станциясындағы апат себепші. Бірақ, ол бекетте нақты не болғаны әзірге белгісіз. Қазір тергеу жүріп жатыр.

Арыстан РЫСБЕК