Тунисте жойқын жарылыс болып, тұрғындар қаза тапты

Бүгін Тунис астанасында екі жанкешті өздерін полиция бөлімшесінің жанында жарып, 1 адамды мерт қылды. Тағы тоғызы жараланған. Зардап шеккендердің алтауы – тәртіп сақшылары. Шабуыл үшін әзірге ешқандай ұйым жауапкершілік алған жоқ. Сонымен қатар, парламенттік сайлауға бірнеше ай қалғанда және туристік маусым қызған шақта бұл қастандықты кімдердің ұйымдастыруы мүмкін екені анықталмай отыр. Елдің ішкі істер министрлігінің мәлімдеуінше, жанкештілер шабуылдарды адам көп жүретін орталық көшелерде жасаған.

Арыстан РЫСБЕК