Басты Жаңалықтар Жедел жәрдемнің қызмет көрсету сапасы жақсарып келеді

Жедел жәрдемнің қызмет көрсету сапасы жақсарып келеді

04.01.2014 05:30

Маңғыстау облысының жедел жәрдем қызметі жаңа автокөліктермен толықты. Өңірдің аудандық дәрігерлеріне 15 санитарлық көліктің кілті табыс етілді.

Автокөліктерге арнайы компьютерлік бағдарламалар орнатылған, ЖПС навигациясы да бар. Оған жергілікті бюджеттен 45 миллион теңге бөлінген.

Облыс орталығынан шалғайда жатқан елді мекен тұрғындарына жедел түрде алғашқы медициналық көмек көрсету және жол апатына ұшырағандарға уақыт оздырмай ем-дом жасау - басты міндет. Бұл мақсатта алда жедел жәрдем 27 темір тұлпармен толығады деп жоспарланған.

Руслан Бектубаев, облыстық Денсаулық сақтау басқармасының басшысы:

2014 жылы жедел жәрдем көмегін жақсартамыз. Қазір қай жерде қандай көлік жүр, қай жерде неге кешіккені жазылып тұрады. Сондай-ақ, диспетчер мен фельдшерлердің байланыстағы дауысы таспаға жазылып арнайы базаға сақталады. Бұл сапалы көмек көрсетуге үлкен мүмкіндік береді.

Жазира ӘБІЛ

Бөлісу