Басты Жаңалықтар Қарағандыдағы жедел жәрдем станциясына жаңа көліктер берілді

Қарағандыдағы жедел жәрдем станциясына жаңа көліктер берілді

04.02.2014 05:30

Қарағандыдағы облыстық жедел жәрдем станциясына тағы жеті көлік жеткізілді. Заманауи қондырғылармен жабдықталған әмбебап әр көліктің құны - 13 миллион теңге. Қаражат республикалық қазынадан бөлінген.

Бұған қоса Қарқаралы, Бұқар Жырау аудандары мен Теміртау, Балқаш қалаларына да бір көліктен берілді. Қазір тұрғындар арасында жүрек-қантамырлары аурулары жиі кездеседі. Өкінішке қарай, кейде ауруханаға жетпей қайтыс болып кететіндер де бар, - дейді дәрігерлер.

Жаңа көлік жүрек талмасы ұстаған немесе қан қысымы көтерілген жандарға алғашқы дәрігерлік көмекті көрсетуге мүмкіндік бермекші.

Роза Оразбаева, Ішкі аудит қызметінің сарапшы дәрігері:

Электрокардиограф, дефибриллятор, аксилог, кислород беретін ингалятор, тағы сол секілді көптеген аппараттар сапалы, жоғары деңгейде медициналық қызмет көрсетуге мүмкіндік береді.

Руслан НҰРЛАНҰЛЫ

Бөлісу