Елімізде міндетті әлеуметтік медициналық сақтандыру жүйесі енгізілетін болды

2017 жылдан бастап медициналық көмек тек сақтандыру пакеттері арқылы көрсетіледі.

Елімізде міндетті әлеуметтік медициналық сақтандыруды енгізудің жол картасы жасалды. 2017 жылдан бастап медициналық көмек тек сақтандыру пакеттері арқылы көрсетілетін болады.

Бұл «100 нақты қадамның» 80-ші қадамын жүзеге асыру, деп хабарлады Денсаулық сақтау және әлеуметтік даму вице-министрі Елжан Біртанов.

Айта кетейік, өткен жылы Елбасы «Міндетті әлеуметік медициналық сақтандыру туралы» заңға қол қойған еді. Денсаулық сақтау саласын дамытудың 2016 – 2020 жылдарға арналған «Денсаулық» мемлекеттік бағдарламасы шеңберінде биыл Медициналық сақтандыру әлеуметтік қоры құрылады.

Әйгерім АҒЫЛТАЕВА