Жекешелендірілетін «ТОП-65» компания анықталды

Үкіметтік селекторлық отырысында Қаржы министрі Бақыт Сұлтанов жекешелендірілетін 65 ірі компанияның тізімі дайын болғанын айтты.

Министр жекешелендірудің екінші кезеңіне серпін беру мақсатында 65 компанияның тізімін жасап, оларды 2014 жылы Үкімет бекіткен 853 нысанның қатарына қосқанын айтты.
Оның айтуынша жаңадан жекешелендірілетін 65 компанияға бағалау жүргізу үшін халықаралық кеңесшілер шақырылатынды. Сонымен қатар, жекешелендірілу кезінде әр нысанға қатысты мәселелер жеке пысықталып, бұл бағыттағы жұмыстарды Үкіметтің өзі бақылауда ұстамақ.