Теңгенің бүгінгі бағамы - уақытша құбылыс

«KASE» қор биржасының таңғы және күндізгі сессиясының қорытындысы бойынша 1 доллар 312,65 теңгеге теңесті. Сарапшылар ұлттық валюта бағамына әсер етіп жатқан негізгі факторларды атады: мұнай бағасының жоғары әрі тұрақты болуы, Ресей рублінің нығаюы, Қытай экономикасының ғалымдар болжағандай түспей, керісінше, өсіп келе жатқаны және төлем балансы ағымындағы шоттың жағдайы.

«Сондай-ақ, елде жүргізіліп жатқан долларсыздандыру саясаты да бағамға әсер етуі мүмкін», дейді экономика ғылымдарының кандидаты Сапарбай Жобаев.