Чехия Қазақстанмен бірлесіп көлік индустриясын дамытуға дайын

Бұл туралы Қазақстан-Чехия өндіріс кооперациясының жиынында айтылды. Бүгінде қос елдің капиталымен құрылған 100-ден астам компания жұмыс істеп келеді. Атап айтсақ, көлік өндірісі, фармацевтика, ауыл шаруашылығы салалары бойынша. Ал, тауар айналымы қазіргі уақытта 800 млн. долларға жуықтаған. Дейтұрғанмен, чехиялық дипломаттар елімізде бизнесті бастау қиын екенін алға тартты. 

Ладислав Штайнхюбел, Қазақстандағы Чехия Республикасының Төтенше және Өкілетті Елшісінің орынбасары:

- Біздің бір байқағанымыз, Қазақстанда бизнесті бастау біраз уақытты алады екен. Мысалы, Өзбекстан, Қырғызстан елдерінде бизнесті ашу қиын емес. Ал, бұл жақта ол үшін көп күш жұмсалады. Өйткені, қандай да бір шешімді қабылдауға ұзақ уақыт кетеді.

Ғабит БӨКЕНБАЙ