Басты Жаңалықтар Таразда заңсыз тауар шығаратын цех әшкере болды

Таразда заңсыз тауар шығаратын цех әшкере болды

18.06.2014 05:30

Тараз қаласында кино бейнеөнімдерін заңсыз жолмен көшіріп тарататын жасырын цех әшкере болды. Мұндай «көлеңкелі» іспен көптен бері Қазақстан және Қырғыз азаматтарынан құрылған топ айналысып келген.

Қаржы полициясы қызметкерлері цех орналасқан үйді тінту кезінде 5 мың данадан астам сатуға дайындалып қойған дискіні тәркіледі. Олар түрлі түсті принтердің көмегімен дайындалған целлофан қаптамаға салынған күйі жинаулы тұрған.

Сондай-ақ, бұл жерден 50-ге тарта кино бейнеөнімдерін көшіріп басатын арнайы құрылғы табылып отыр.

Тексеріс барысында дискілердің қорабында арнайы штрих коды, қорғаныс голлограммалары мен тауарлық белгілері жоқ болып шықты.

Мамандар ұйымдасқан топтың іс әрекетіне қарап, контрафактілік тауар тек Жамбыл облысына ғана емес, көршілес Оңтүстік Қазақстан және Алматы өңірлеріне де жөнелтіліп, сонда саудаланған, деген болжам жасап отыр.

Мақсат Байдалиев, облыстық Қаржы полициясы департаментінің бөлім басшысы:

Қазіргі таңда бұл азаматтар авторлық және сабақтас құқықтарды бұзу бабы бойынша күдікті болып отыр. Бұл баптың ең ауыр санкциясы мүлкі тәркіленіп немесе 2 жылдан 5 жылға бас бостандығынан айыруға жазаланады.

Ғани ҚАЛМАХАНОВ

Автор

Ғани Қалмахан

Бөлісу