Ақтөбе облысында базар өртеніп, 60 кәсіпкердің мүлкі жанып кетті

Ақтөбе облысының Қандыағаш қаласында орналасқан аумағы 900 шаршы метр болатын базар өртеніп кетті.  

Оқиға орнына 3 өрт сөндіру техникасы мен 18 маман жетті. Өрт аумағы үлкен боғандықтан Алға қаласы мен Ақтөбеден қосымша күш жұмылдырылды. Дегенмен, нысанның 700 шаршы метрі жанып кетті. Оқиғаға қатысты қылмыстық іс қозғалды. Қазір ол жерде арнайы комиссия жұмыс істеп жатыр. Анығы - 60 кәсіпкердің мүлкі жанған. Тергеу ісі аяқталған соң барлық шығынды кінәлі өтеуі мүмкін. Жағдайды облыс басшылығы да бақылауға алып, тиісті органдарға тапсырма берілді.

Жақсыбек Кемал