Президент Шөмішбай Сариевтің жақын туыстарына көңіл айтты

Бүгін ақын Шөмішбай Сариев дүниеден өтті. Осыған орай Мемлекет басшысы Қасым-Жомарт Тоқаев марқұмның отбасы мен туған туыстарына көңіл айту жеделхатын жолдады. Онда қазақ поэзиясының көшін алға бастаған қаламгердің халқымыздың рухани байлығын дамытуға мол үлес қосқаны жайлы айтылған. Елбасы Нұрсұлтан Назарбаев та ақынның қайтыс болуына байланысты туған-туыстарына көңіл айту жеделхатын жолдады.

«Шөмішбай Нағашыбайұлы ұлттық әдебиетіміз бен руханиятымыздың дамуына сүбелі үлесін қосып, артына мол мұра қалдырды. Абзал азаматтың ғибратты ғұмыры мен жарқын бейнесі жұртшылық жадында әрдайым сақталады деп сенемін», – делінген жеделхатта.

Дарын Сағитов