Тоқаев пандемия салдарынан туындаған қаржылық қиындықтарды жеңілдетуге қатысты ұсыныс жасады

Мемлекет басшысы Қасым-Жомарт Тоқаев «Халықаралық қарыз архитектурасы және өтімділік» атты жоғары деңгейдегі жиынға қатысты. Онлайн форумды өткізуге БҰҰ Бас хатшысы, Канада және Ямайканың премьер-министрлері мұрындық болды. Іс-шара COVID-19 пандемиясы кезеңінде халықаралық күш-жігерді қаржы саласына қарай жұмылдыруға арналды.

Президент теңізге шығатын жолы жоқ дамушы мемлекеттер тобына мүше елдердің пандемия салдарынан туындаған қаржылық қиындықтарын жеңілдетуге байланысты бірқатар нақты ұсыныс жасады. Сонымен қатар, денсаулық сақтау жүйесін дамытуды қолдауға, қажетті вакцинаны уақытылы және тиімді бағада сатып алуға көмек көрсетуге шақырды.

Асима Нұрбайқызы