Түркістан облысында азық-түлік бағасын негізсіз көтергендер жазаланады

Түркістан облысында азық-түлік бағасын негізсіз көтергендер жазаланады. Бұл туралы Бәсекелестікті қорғау және дамыту агенттігінің Түркістан облысы бойынша департаменті басшылығы мәлімдеді. Мамандардың айтуынша, соңғы айларда өңірде әлеуметтік маңызы бар азық-түлік тауарлары қымбаттап кеткен. Әсіресе, күнбағыс майы мен қанттың бағасы шарықтап тұр. Картоп пен тауық еті де қымбат сатылуда.

Жыл басынан бері бағаны негізсіз көтерген 25 дерек тіркеліп, 19 кәсіпкер жауапкершілікке тартылған. 

Сатушы:
Бізге фирма әкеледі осындай бағада. Біз қоятынымыз, 5-10 теңге, ары кетсе, 50 теңге қосып сатамыз. Одан ары қоса алмаймыз. Шекер мен күнбағыс майы қатты қымбаттады. Қалғандары сол жаңа жылдың алдындағы баға да тұр.

Айнұр Ақбаева