Ақтөбе тұрғыны екі айда 30 келі салмақтан арылған

 Екі айда 30 келі салмақ тастады. Ақтөбелік жігіттің ерік-жігеріне, тіпті кәсіби фитнес тренерлердің өзі таң қалып жатыр.

35 жастағы Аман Махамбетияров осыдан үш ай бұрынғы суреттерімді көргенде, өзім де мұншалықты өзгеріс болғанына таңғаламын дейді. Жолсерік болып жұмыс істейтін ол коронавируспен ауырмаудың ең тиімді жолы - салауатты өмір салтын ұстанып, сақтық шараларын қаперден шығармау дейді. Өзі соңғы екі ай бойы фитнес орталыққа келіп, жаттығуға ден қойған. Мақсатқа жету үшін, дәрігермен де жиі кеңесіп отырады. Енді алдағы күндері вирусқа қарсы екпе алуды да жоспарлап отыр.

 Аман Махамбетияров, қала тұрғыны:
Айына 15 килограммнан екі айда 30 килограмм салмақ тастадым.

Жақсыбек Кемал