Семейде 13 мектеп карантинге жабылды

Семейде 13 мектеп карантинге жабылды. Қала қызыл аймаққа енген. 67 бала коронавирусқа шалдыққан. Мамандардың ақпараты бойынша, олар індетті туыстарынан жұқтырыпты. Қазір қала мектептеріндегі санитарлық-эпидемиологиялық жағдай тексеріліп жатыр. Ковид жұқтырған оқушылар оқитын білім ордалары түгелдей жабылып, сабақты онлайн форматқа ауыстырған. 

Біржан Бұлабаев, қалалық Білім бөлімінің сектор меңгерушісі:
Тест оң нәтиже көрсеткен барлық балада, аурушадық симптомсыз түрде. Олардың температурасы жоқ, өздерін жақсы сезінуде. Амбулаториялық ем қабылдап жатыр. 

Ержан Жақып