Мәслихат сайлауына 10 971 үміткер тіркелген

Мәслихат депутаттығына 10 971 кандидат тіркелген. Орталық сайлау комиссиясы 1 қараша сағат 18:00-ге дейін жүргізілген тіркеу қортындысын жариялады. Сонымен 3 113 бірмандатты аумақтық сайлау округінде 9 752 кандидат тіркелді. Осылайша орта есеппен бір депутаттық мандатқа 3 адам үміткер болып отыр. Ал партиялық тізімдер бойынша 20 өңірде 99 тізім тіркеліп, олардың құрамына 1 219 кандидат енгізілді. 43 пайызы квоталық санатпен ұсынылған.