Түркістанда жеті адамды алдап соққан алаяқ қамауға алынды

Түркістанда Кореяға жұмыс істеуге бару үшін виза жасап беремін деп, жеті адамды алдап соққан алаяқ ұсталды. Бұрын сотты болған жергілікті тұрғын жәбірленушілердің бірінен өз қызметі үшін 1,5 млн теңге алған. Ал, алаяқтың құрбаны болған әйел полицияға арызданған. Тергеу барысында күдіктінің осы сынды тағы алты дерекке қатысы бары анықталды. Осылайша жәбірленушілерге үш миллион теңгедей шығын келтірілген. Қазір күдікті қамауға алынып, тергеу жүріп жатыр. 

Айнұр Ақбаева