Үндістанда циклонның соққысынан 6 адам мерт болды

Үндістанның шығысына алапат циклон жетті. Сондықтан бұл аймақта жауын құйып, жағалаудағы елді мекендерге теңіз толқыны соққы берді. Бүгін түскен мәліметке қарағанда, дауылдың екпінінен 6 адам мерт болған. Сонымен қатар, табиғи апат қарсаңында аймақтан 1,1 миллион тұрғын эвакуацияланды. Ал, Бангладеште 200-дей ауылды су басып, мыңдаған адам тасқынның ортасында қалып отыр. 

Үндістан үкіметі халықты құтқару мен көшіру операцияларына мыңдаған жауынгер мен төтенше жағдай қызметкерін аттандырды. Айта кетсек, 11 күн бұрын бұл мемлекеттің батысында сұрапыл циклоннан 140-тан астам адам опат болған.

Арыстан Рысбек